Динә һәм Рафаэль Латыйповлар яңа туган оныкларына үзенчәлекле матур исем кушкан [+фото]
Күпләр әле Динә һәм Рафаэль Латыйповларның кабат әби-бабай булуын белмиләрдер. 11 апрель көнне көндезге сәгать өчләр тирәсендә кызлары Динара икенче мәртәбә әни булган. 6 яшен тутырып килүче олы уллары Хәлил янына тагын бер малай алып кайтканнар. Сабыйга Хафиз дип исем кушканнар.
– Кызыбыз Динара белән киявебез Марат безне янә оныклы итте. Рәхмәт яусын үзләренә. Динара үзен әйбәт хис итә. Оныгыбызга исемнең дә матурын сайладык. Аллага шөкер, бар да әйбәт, исән-сау гына булсыннар, – диде Динә Латыйпова.
Бу сөенечкә без дә кушылабыз. Улларын тигезлектә, шатлыкта үстерергә язсын!
Хафизны бала тудыру йортыннан алып чыкканда.
Динара олы улы Хәлил белән.
Эльза ГАЗИЗОВА