Кышын кошларны сыйлагыз [+фото]
Мәктәп укучылары ярдәме белән урман кишәрлекләрендә, мәктәп ишегалларында кошлар өчен ашханәләр “эшли”. Атнасына берничә тапкыр аларга көнбагыш, бодай, икмәк валчыклары салалар.
"Кышын кошларны сыйлагыз" акциясе балаларда кошларга карата мәрхәмәтлелек, табигатьне ярату хисе тәрбияли. Олы Шыңар урта мәктәбендә дә кошларны кайгырталар.
–Безнең мәктәпнең әти-әниләре, укытучылар, балалар үзләре дә моңа битараф түгел. Ноябрь аенда көннәр салкынайта башлауга ук, җимлекләр элдек. Торттан бушаган кәгазь тартмаларга, су шешәләреннән дә ясадылар. Агачтан ясап элүче әтиләр дә булды. Аларга балалар төрле ярмалар, көнбагыш салып тора, – ди башлангыч сыйныф укытучысы Вәсимә Шәрифуллина.