ან უგულავას გამოვუშვებდი ან ნარმანიას მივუსვამდი გვერდით - ნიკა მელია
ნაციონალური მოძრაობის წევრი, ნიკა მელია, დედაქალაქის მერისა და პროკურორის საქციელს "დანაშაულს" უწოდებს.
მისი თქმით, დავით ნარმანია და გერგედავა მეგობრები არიან და გერგედავას ოჯახის სხვა წევრებიც მერიაში მუშაობენ, მათ შორის თავად გერგედავას შვილი პარიზში სასწავლებლად წასვლამდე მერიის თანამშრომელი იყო.
„ამ ხელისუფლების უტიფრობას ლიმიტი არა აქვს, მათ გონიერებას კი ნამდვილად აქვს ლიმიტი. მათი ქმედებები ამოვარდნილია საღი აზრისგან. ვინმეს სჯერა ამ საზოგადოებაში, რომ დედაქალაქის მერმა ხელი მოაწერა ისე, რომ არ იცოდა? ვინც ამ ორ ადამიანს იცნობს, ყველამ იცის, რომ ისინი მეგობრები არიან,“ - აცხადებს ნიკა მელია.
ნაციონალური მოძრაობის წევრი, ნიკა მელია, მეწარმეობის ხელშეწყობის ცენტრის გაუქმებაზეც საუბრობს და ამბობს, რომ, როგორც 8 თვის წინ გაუგებარი იყო, რატომ შეიქმნა ეს სამსახური, ისე გაუგებარია, რატომ გაუქმდა.
ნიკა მელიას თქმით, მერიაში გაბერილია კადრებია და დღეს გაცილებით მეტი ადამიანი მუშაობს, ვიდრე გიგი უგულავას მერობისას მერიაში მუშაობდა.
„სხვა მეტი ბრალდება კი არა აქვს გიგი უგულავას, ამ ხელისუფლების ადგილზე ან უგულავას გამოვუშვებდი ციხიდან ან ნარმანიას მივუსვამდი გვერდით,“ - აცხადებს ნიკა მელია.