Республикань ёроков эйкакшонь лицеень тонавтницятне биологиянь коряс Весероссиянь олимпиадасо изнясть 4 дипломт! (эрзя)
2026-це иень чадыковонь 4-це чистэ саезь 10-це чис Екатеринбургсо ютась биологиянь коряс школасо тонавтницятнень Весероссиянь олимпиадань меельце эскелькс. Масторонь эрьва кодамо ужинетнестэ 489 сехте виев од биологтне пелькстасть сехте вадрятнень лемест кисэ. Мордовиянть невтизь Республикань лицеень ды «Центр образования «Тавла» 17 –це номер школань тонавтницятне. Пелькстыцятне невтсть аволь ансяк биологиянь келей содамочить, истя жо логикань арсемас маштомачи, наукань эрьва кодамо ёнкстнэстэ кулянь ванномас ёрокчи. Эрьва кевкстемась вешсь домкасто чарькодевтема ды материалонть пек парсте содамо. Практикань пелькссэ ульнесть 4 эрьва кодат станцият, эрьвась эйстэст – биологиянь башка пелькс, кона вешсть участниктнень пельде аволь ансяк содамочить, истя жо кедень ёрокчи, мелень явома ды лабораториянь оборудованиянть марто важодемань содамо. Касовкстнэнь морфологиясь, позвоночнойтнень зоологиясь, клеткань биологиясь, ломанень физиологиясь – неть ды лия дисциплинатне вешсть школасо тонавтницятнень пельде покш концентрация ды практической ёрокчи. Теориянь ды практикань стака туртнэнь коряс Республикань лицеень 4 тонавтницятне изнясть таркат. Эйкакштне эсест невтевкссэст невтизь, биологиянтень мелень явоманть ды содамочитнес бажамонть.