Московсо ютась «Мазыйка» мазычинь ды ёрокчинь I-це пелькстамонь финалось (эрзя)

Финалс 11лисицятне невтсть визиткат, дефилеть ды шкинемань номерт. Невтсть аволь ансяк ушо ёндо мазычинть, истя жо домкачинть, седейлембенть, эсь ундокстнэнень ды раськень культурантень мелень явоманть. Пелькстамонь ютавтыцякс кармась «Мордовское землячество» РФ-нь Президентэнть пингстэ Мордовия Республикань свалшкань представительствань лезксэнзэ вельде. Ваныцятнень пельде казнесь максозь Атяшевань буень Ирина Асташинанень. Ваныцятне макссть вайгелест сонзэ кис социальной сеттнесэ.
III степенень дипломсо казезь Екатерина Ермолаева. Сон чачсь Зубова Полянасо, прядызе Н.П. Огарёвонь МГУ-нть. Вишка пингстэ саезь яви мель музыкантень, вечки джазонь концертт, яви мель психологиянтень ды ловномантень. Шкинемань пелькстамосо морызе «Эхо любви» моронть, алтызе сырькаензэ ды покштянзо туртов.
II степенень саицякс кармась Екатерина Базаркина. Сон прядызе Саранскоень музыкальной училищанть. Л.П. Кирюковонь «Артист-вокалист, преподаватель» специальностенть коряс, ней тонавтнеманзо полады М.Е. Евсевьева МГПУ-со. Эсь предметэнть коряс важоди тонавтыцякс Московонь школасо.
Пелькстамонь изницякс ды «Мазыйка» лементь саицякс кармась Ольга Рак. Тейтересь чачсь Ковылкина ошсо. Сон офицерэнь ни, важоди преподавателекс ды морси кода солистка. Шкинемань пелькстамосо морызе «Кельгомазе ванофтанза» моронть.