Ледстятано вейсэнь тевдеемань прявт вешематнень, бути тынь рединк ушосо панжадо люконть (эрзя)
Бути тынь муиде панжадо люк, энялдтано тыненк а кадовомс мельтеме ды сеске пачтямс теде Дежурно-диспетчерской службас (ЕДДС) 24 – 07 – 07 телефононь номерэнть коряс.
Те эряви сень туртов: специалисттнэ куроксто муевлизь люконь кандовоманть (связень коммуникациясь, теплосетесь, канализациясь, водопроводось). Бажадо видестэ сёрмадомс адресэнть эли ориентирэнть (ардома таркасо, газонсо, лавка вакссо). Те лезды седе куроксто кучомс бригаданть.
Аволь весе люктне кандовить “Саранскгорводоканал” МП-нтень, секскак минь энялдтано васня гайневтемс ЕДДС-в. Ледстясынек, “Саранскгорводоканал” МП-сь куроксто ванны панжадо люктнень коряс яволявтоматнень, конат аштить минек предприятиянть вановтонзо ало. Минек ули меленек: ошонь коммуникациятне улевельть зыянтомокс ялго молицятнень ды ардомапелень ветицятнень туртов.
Социальной сеттнень вельде эрицятнень марто вейсэнь важодеманть вельде, меельце ковстонть витнезельть яжазь люктне: Гожувская, Евсевьевень куросо, Терешковань курова тротуарсо, Семашконь, Республиканской, Косаревень, Ульяновонь ды лия куротнева.