Яңа елдан кәрәзле элемтә бәяләре арта
1 гыйнвардан кәрәзле элемтә операторлары абонентларның тариф планына бәяне арттыра. Элемтә бәясе кыйммәтләнү салым йөкләнешенә, товар һәм хезмәтләргә бәяләр артуга, инфляциягә һәм челтәр үсешенә бәйле. Бу хакта «Челнинские известия» хәбәр итте.
Бәяләр арту нормасы һәр абонентныкы төрле булачак. Бер мобиль челтәрнең хезмәткәрләре аңлатканча, бәя үзгәрү гамәлдәге тариф планына һәм аның актуальлегенә бәйле. Шулай ук операторлар әйтүенчә, бәяләр елга бер тапкыр гына үзгәрәчәк, һәм киләсе ел дәвамында бәяләр арту көтелми.
Кулланучылар функционалы даими рәвештә төрле чикләүләргә дучар ителә торган сервислар өчен түләүләр артуга аптырый. Оператор вәкилләре моңа җавап бирде. Мобиль интернет куллануга лимитлар кертү компаниядән тормый торган шартларга бәйле, дип белдерде алар. Инфраструктураның тотрыклы эшләвен һәм үсешен тәэмин итү өчен финанслау кирәк. Алар әйтүенчә, мондый чикләүләр иминлек чараларына бәйле һәм күзәтчелек регуляторы боерыгы буенча эшләнә.