Фирдүс Тямаев хатынына: «Әйттем бит «сөяркәм юк» дип, ә син «бар» дисең...»
Татарстанның атказанган җырчысы Фирдүс Тямаев «Алиса» акыллы колонкасы белән сөйләшкәнен видеога төшергән.
«Әле ярый «Алиса» бар, алайса хатын белән сугыша идек», – дип тә язган ул.
Җырчы үзе «Алиса»дан Фирдүс Тямаевның кем булуы турында сорый.
– Татар җырчысы, җырлар авторы, Татарстанның атказанган җырчысы, туган телендә җырлый.
– Ярар. Алиса, Фирдүс Тямаев өйләгәнме?
– Әйе, өйләнгән. Аның 3 баласы бар.
– Алиса, Фирдүс Тямаевның сөяркәсе бармы?
– Юк, ул өйләнгән.
– Матурым, мин сиңа әйттем бит инде «сөяркәм юк» дип. Ә син «бар, бар» дисең.
Әңгәмә, «Алиса»ның җавапларыннан канәгать калып, җырчының көлүе белән тәмамлана.