Wall Street Journal: Apple gələcək iPhone modellərinin qiymətini artıracaq

Apple bu il təqdim olunacaq iPhone modellərinin qiymətini artırmağı planlaşdırır. Bu qərarın əsas səbəblərindən biri ABŞ-la Çin arasında davam edən ticarət müharibəsi və idxala tətbiq olunan yüksək tariflərdir. Şirkət qiymət artımını ictimaiyyətin diqqətinə çatdırmadan həyata keçirmək niyyətindədir.

Maraqlıdır ki, Apple bu qiymət artımını yeni dizaynların və funksiyaların hazırlanması ilə əsaslandırmaq istəyir. Yəni şirkət iddia edir ki, bu dəfə iPhone-lar üçün o qədər yenilik edilib ki, bu modellərin qiymətini artırmaq tam əsaslıdır. Bu məlumatı Wall Street Journal-a Apple-ın təchizat zəncirindəki anonim mənbələr verib.

Eyni zamanda, Apple istehsalın böyük hissəsini Hindistana köçürməyə çalışır. ABŞ və Çin isə tariflərin tətbiqini gecikdirir və bəzi məhsullar üçün istisnalar axtarır. Payız təqdimatından sonra aydın olacaq ki, Apple bu strategiyanı nə qədər davam etdirə biləcək və istifadəçilər bahalaşmaya necə reaksiya verəcəklər.

The post Wall Street Journal: Apple gələcək iPhone modellərinin qiymətini artıracaq appeared first on InfoCity.