«28 ел узгач...» – Айгөл Бариева яшьлегендә узган маршрутны кабатлый
Җырчы Айгөл Бариева Италиягә киткән. Социаль челтәрдәге шәхси аккаунтында ул бу илдә 3 тапкыр булганын яза.
«Бу илдә 1997 елда Рим һәм Ватикан шәһәрләрендә булдым. 2019 елның июнендә Болонья һәм Миланда, шул ук елның сентябрендә Сан-Ремо шәһәрендә булдым. Бу илдә отельда гына түгел, итальян гаиләсендә дә яшәдем, аларның көнкүреше белән таныштым.
Әлхәмделилләһ, кабат шушы илгә юл тотам. ИншәАллаһ, мине яңа шәһәрләр һәм кичерешләр көтәдер», – дип язган.
Фото: © Айгөл Бариеваның шәхси аккаунтыннан
Фото: © Айгөл Бариеваның шәхси аккаунтыннан
Италиядән ул «28 ел узгач...» дигән пост куйган һәм язылучыларына 10 аерма табарга кушкан.
Фото: © Айгөл Бариеваның шәхси аккаунтыннан
Айгөл Бариева Италиядә беренче иртәсен төшереп куйган. Ул Италия өчен махсус милли орнаментлар белән бизәлгән изү һәм баш киеме тектергән. «Хәерле Италия иртәсе! Сеньора комплимент ишетте инде», – ди ул.