«Электрошокер белән кыйный». Уфада куркыныч квестта 12 яшьлек кызны имгәткәннәр
Уфада куркыныч квестта 12 яшьлек кызны имгәткәннәр. Баланы 17нче шәһәр хастаханәсенә салганнар. Бу турыда «Башинформ» хәбәр итте.
Үсмернең анасы сүзләренчә, уендагы аниматор баланың муеныннан тотып ала һәм башы белән стенага бәрә.
«Башка кызның анасы сүзләренчә, аның кызы бу хәлне раслаган. Аниматор моны «квестның бер өлеше» дип аңлата. Билгесез бинадан каядыр урамга чыгарга ул курыккан», – ди бу хатын.
Вакыйга Гагарин урамындагы бинада була. 6 кыз биредә туган көн бәйрәм итә. Башкортстан буенча Тикшерү идарәсе белешмәсе буенча, квест актеры балаларны электрошокер белән кыйный һәм физик көч куллана. Җинаять эше ачылган, дип яза «Башинформ».