Буа драма театры җитәкчесе Раил Садриевны тоткарлаганнар
Татарстанның атказанган артисты, Буа драма театры директоры һәм сәнгать җитәкчесе Раил Садриевны Татарстан Республикасы буенча Эчке эшләр министрлыгының Икътисади куркынычсызлык һәм коррупциягә каршы тору идарәсе хезмәткәрләре тоткарлаган. Россия Тикшерү комитеты аны вазифа вәкаләтләрен үз файдасына кулланган дип шикләнә. Бу хакта «БИЗНЕС онлайн»га көч структураларындагы чыганаклары хәбәр иткән.
Газетаның әңгәмәдәшләре мәгълүматлары буенча, җинаять эше нигезендә «Дәрвиш» моноспектакленең 3 куелышына билетлар сату ята, анда рольне Садриев үзе башкара. Көч хезмәткәрләре версиясе буенча, 2023 елда Татарстан Республикасы шәһәрләрендә ким дигәндә 3 спектакльгә билетлар өчен акчаны драма театры түгел, ә Садриевның хатыны өчен рәсмиләштерелгән ИП алган. Беренчел мәгълүматлар буенча, Садриев күрсәтмәләр бирүдәш баш тарткан. Төнлә театрның сәнгать җитәкчесен Казанда вакытлыча тоту изоляторына утыртканнар.