Сирия президенты Әсәд хатыны Әсма яман шеш белән авырый
Сирия президенты Бәшәр Әсәд хатыны Әсма канында яман шеш табылган. Бу турыда РЕН ТВ хәбәр итте.
Сирия президенты канцеляриясе белдерүендә «кискен миелоид лейкоз» диагнозы турында әйтелә.
Илнең беренче ледиенда берничә симптом ачыклангач, тикшеренүләр һәм анализлар ясыйлар. Табиблар Әсма Әсәдкә «кискен миелоид лейкоз» диагнозы куя.
Әсма Әсәд дәваланган вакытта гаммәви чараларда катнашмаячак, «тиешле социаль дистанция» тотачак.
2018 елда Әсма Әсәднең күкрәгендә яман шеш иртә стадиядә ачыклана. 2019 елның гыйнварында аңа операция ясап, шешне алалар. Шул ук елның августында Әсманың авыруны җиңүен хәбәр итәләр.
- «Чүл розасы шиңә...» Сирия Президенты хатыны Әсмада яман шеш тапканнар
- Башар Асад хатыны Әсма Сириядә һәлак булган татар солдатының ятим кызына песи бүләк итте