Кода араламс духовнай питнишить (мокша)
«Ёратама цебярьгафтомс инфраструктурать, сторямс. Эряви арьсемс кодама ваймонь мараяма путомс тевти». Тяфтама валхт Кирриллонь и Мефодиень святойхненди лемтьф лувомаса сембе пуромфненди азсь Мордовиянь Оцюнясь. Региональнай этапса философне и педагокне арьсесть, кода араламс духовнай питнишить. Научнай-практическяй конференциясь эсь лемонц мархта няфтезе, мезсь и коза эряви виияфнемс. «Тонафнемань системать духовнай уликсшиц: кемамать и койхнень мархта сай пинкненди» Кода азозе Мордовиянь Оцюнясь, — васенцеда Россияти аф койс коре аф пара уликсшись сась 90- це кизотнень, вов тяни од ломаттне тага арасть вастокс аф цебярь мяльхненди. Корхтамс и араламс коень духовнай нравственнай уликсшить эряви мольфтемс тонафнемань системать видеса. Тянди шарфтф и Президенть Указоц просвещениять исторянц колга. Тяфта жа Мордовиянь Оцюнясь мярьгсь, што школатнень эса эряви сяда сидеста сярьгятькшнемс ветераттнень. Пленарнай пуромксса и секциятнень эса кайгсть кой-мзяра доклатт — сембонь эса кепсевсть духовнай, коень, нравственнай и патриотизмань кизефксне. Койс коре Кирилло-Мефодиевскяй лувоматнень региональнай этапснон пуроптсыне Саранскяй и Мордовскяй митрополиясь, духовнай семинариясь, республикань главнай вусне и педагог 13 центрась. Ня сембе кизефкснень ванозь, кода религиознай, тяфта и светскяй педагокне.