Җырчы Гөлназ Батталова кызының исемен әйтте
Америкада яшәүче татар җырчысы Гөлназ Батталованың әни булуы хакында язган идек. Төгәл бер айдан соң Гөлназ кызының исемен әйтте. Сабыйга Эмма дип исем кушканнар.
«Без инде бер ай бергә. Син – мин үземнең хыялымда күзаллаган кебек үк. Әтиеңне кебек зур төймә күзләрең, әниенең борыны, кош томшыгы кебек иреннәрең. Син безгә елмайганда әтиең белән эреп китәбез. Бүген сиңа бер ай һәм без синнән башка ничек яшәгәнебезне инде хәтерләмибез дә. Безне сайлавың өчен рәхмәт, кызым. Безнең дөньябыз син – кызым Эмма», – дип күңелгә үтәрлек сүзләр яза Гөлназ Батталова үзенең блогында.
«Эмма – иң матур исем. Мин моны төгәл беләм», – дип язган үзе дә башка милләт вәкилендә кияүдә булган һәм кызына Эмма дип исем кушкан Ләйсән Таишева.
«Гөлназ, сиңа әни булу бик килешә. Сиңа һәм гаиләңә бәхет. Эмма акыллы сабый булып үссен»;
«Нинди матур исем, нинди матур әни. Иң бәхетле сабый булсын. ныклы сәламәтлек!»;
«Кыз бала – әни кеше өчен иң кадерле бүләк», – дип язып калдырган Гөлназның башка дуслары да.