Telegram-ը գործարկել է TON Space կրիպտոարժույթի դրամապանակ
Telegram մեսենջերն իր ավելի քան 800 միլիոն ակտիվ օգտատերերի համար հավելվածում ինտեգրել է Open Network-ի (TON) վրա հիմնված կրիպտոարժույթի դրամապանակ:
TON Space անունով դրամապանակը հասանելի կլինի Telegram-ի կարգավորումների միջոցով, հայտնում է The Block-ը։
Open Network-ը բլոկչեյնի վրա հիմնված ապակենտրոնացված համակարգչային ցանցային տեխնոլոգիա է, որը մշակվել է Telegram թիմի կողմից:
Սեպտեմբերի 13-ից Telegram Wallet-ի ցանկացած օգտատեր կկարողանա մուտք գործել TON Space: Այս տարվա նոյեմբերից նույն հնարավորությունը կտրամադրվի բոլոր օգտատերերին, բացառությամբ ԱՄՆ-ի եւ որոշ այլ երկրների։
2020 թվականին Telegram-ը հրաժարվել էր TON-ից այն ավելի քան երկու տարի մշակելուց հետո, քանի որ տեխնոլոգիայի ներդրումը հետաձգվեց ԱՄՆ Արժեթղթերի եւ բորսաների հանձնաժողովի (SEC) հայցի պատճառով:
2019-ին գործակալությունը դատի է տվել Telegram-ին 1,7 միլիարդ դոլարի ներդրումը համար Gram կոչվող նշանի միջոցով ներգրավելու համար, որը, ըստ SEC-ի, չգրանցված արժույթ է: Արդյունքում, Telegram-ը համաձայնեց վերադարձնել չօգտագործված միջոցները ներդրողներին, եւ վճարեց նաեւ 18,5 միլիոն դոլար տուգանք: 2020 թվականից TON-ը գործում է որպես բաց կոդով համայնքային նախագիծ:
Հուլիսին Telegram-ն ավելացրել է կրիպտոարժույթով վճարումներ ընդունելու հնարավորությունը՝ Wallet Pay ծառայության միջոցով։ Գործիքը կարող է ինտեգրվել ցանկացած Telegram բոտի կամ ծառայության մեջ՝ Bitcoin-ով կամ USDT-ով վճարելու համար: