Арбалеэдээр буудалгаар дэлхэйн чемпионат
Арбалеэдээр буудалгаар ХУ111 дэлхэйн чемпионат мүнөөдэр Улаан-Үдэ хотодо эхилбэ
Дэлхэйн чемпионат арбан наймадахияа үнгэржэ байгаашье һаань, Россида арбалеэдээр буудалгын мүрысөөн түрүүшынхиеэ болохонь. Буряад Уласда иимэ дээдэ хэмжээнэй мүрысөө үнгэргэхэ талаан яагаад тудаба гээшэб гэхэдэ, хари гүрэнэй тамиршад Байгал далай хараха, үзэхэ дуратай байна, үшөө юун шухала байнаб гэхэдэ, Ази түбиин тамиршад Европо руу ниидэхэеэ холошооно, тиимэһээ манай Улаан-Үдэдэ дэлхэйн 20 гаран гүрэнүүдэй 200 гаран арбалеэдээр буудадаг тамиршад буужа ерээд, мүнөө энэ сагта мүрысөөнүүд түлэг дундаа ябажа байна. Россин суглуулагдамал командын хахадынь шахуу Улаан-Үдын спортсменүүд юм. Манай Буряадта үндыһэн табан тамиршад Россин суглуулагдамал колмандада оролсоно.
Валентина Протасова, Юлия Карпова ба Анна Сушко томошуулай тоодо Россие түлөөлхэ, харин Юлия Суетина, Екатерина Тюлякова хоёр 23 наһа гүйсөөгүй залуушуулай тоодо хабаадаха байна. ФСК-гай, БГУ-гай тамирай талмайнууд дээрэ августын 22-һоо 24 болотор мүрысөөнүүд үнгэрхэ гээшэ.
Арбалеэдээр буудалгын холбооной гимн Евгений Фионов дуулаха, Владимир Шеленскиин зохёоһон марш зэдэлхэ байна.
Ерээдүйдэ арбалеэдээр буудадаг спорт манай Буряад Уласда үргэнөөр дэлгэржэ, манай нютагай тамиршад амжалта туйлахань болтогой.