Европа, Осиё, Ўрта шарқ ҳамда бошқа бир нечта давлатларга машҳур бўлган “HIPPO” халқаро инглиз тили олимпиадасида бир қанча Ўзбекистонлик мактаб ўқувчилари ҳам иштирок этди. Олимпиада уч – саралаш, ярим ва финал босқичлари кетма кет равишда ҳар бир давлатнинг ўзида бўлиб ўтади. Ярим финал босқичидан сараланган кучли иштирокчилар Италиянинг Венеция ҳамда Лидо Де Жесоло шаҳрида бўлиб ўтган олимпиада финалида қатнашди. Шу жараёнда Ўзбекистондан ҳам 2 нафар ўқувчи “HIPPO” биринчи даражасида “Wunderkind Study” мактабининг бешинчи синф ўқувчиси Рустам Муҳаммаджонов ҳамда “HIPPO” иккинчи даражасида “Lider Taʼlim” мактабининг 6-синф ўқувчиси Рамиз Зоҳрабов финал босқичида иштирок этишди. Ушбу Олимпиадада жами 40 та давлатдан 36 мингта иштирокчи қатнашиб, шундан 32 та давлат финал босқичида Италия давлатига Инглиз тили фанидан беллашиш учун боришди. 32 давлат ўртасида бўлиб ўтган финал босқичида “Wunderkind Study” мактабининг 5-синф ўқувчиси Рустам Муҳаммаджонов энг юқори балл 101 кўрсатгич билан биринчи ўринни эгаллади. Ва Американинг Mizzou Academy мактабида 2 ҳафталик бепул таълим олишни ва халқаро инглиз тили ташкилотлари Pearson, IESOL томонидан бир қанча сертификатларга эга бўлди. Рамиз Зоҳрабов гарчи совринли ўрин эгаллай олмаган бўлсада, лекин юқори балл 85 кўрсатгич билан, тенгдошлари орасида ватанимиз шарафининг юксалишига ўз ҳиссасини қўшди.
