Әтисе белән мотоциклда барганда «Мерседес»ка бәрелгәч, нәни малайның аягы өзелгән
Красноярск шәһәрендәге Октябрь күперендә авариядә имгәнгән малайны 20нче хастаханәгә салганнар. Бу турыда «Красноярск.Онлайн» үз чыганагына сылтама белән хәбәр итә. Белешмәне край буенча Сәламәтлек саклау министрлыгында раслаганнар. Тик баланың хәле турында өстәмә белешмә әйтмәгәннәр.
Биредә мотоцикл авариягә очрый. Аның белән 40 яшьлек ир-ат идарә итә, 10 яшьлек малай пассажир була. Мотоцикл сул ярдан килә, шул чакта ул «Мерседес» машинасына бәрелә, аннары күпернең металл коймасына барып керә.
Шаһитлар сүзләренчә, арткы утыргычтагы малай – мотоциклчының улы, бала бик җитди имгәнә: аның аягы өзелә, диелә хәбәрдә.
Табиблар ярдәме балага гына кирәк була. Мотоциклчы үзе имгәнми, диелә.