Лавров: Руско-кинеските односи ќе станат посилни

Односите на Русија со Кина ќе станат посилни како резултат на актуелната политичка ситуација, смета рускиот министер за надворешни работи Сергеј Лавров.

„Во време кога Западот јасно ги поткопува сите основи на кои се заснова меѓународниот систем, се разбира дека ние - како две големи сили - треба да размислуваме како да продолжиме во овој свет“, рече Лавров,пренесува руската новинска агенција Интерфакс.

Во телефонскиот разговор во петокот, американскиот претседател Џо Бајден го предупреди кинескиот лидер Си Џинпинг за „импликациите и последиците“ за Кина, доколку Пекинг ја поддржи Русија во војната, соопшти Белата куќа.

Двочасовен разговор Бајден - Си за војната во Украина, бомбардирањето продолжува

Кинеските државни медиуми објавија дека Кси ја опишал војната  како „ничиј интерес“, но станувало збор за директна критика на претседателот Путин.

Според неколку неодамнешни медиумски извештаи, Русија побарала од Кина воена опрема за поддршка на инвазијата на Украина. Лавров меѓудругото изјави и дека САД го спречуваат Киев да се согласи со барањата на Русија.

„Постојано се чувствува дека украинската делегација ја држат за рака, најверојатно Американците, не дозволувајќи им да се согласат на барањата за кои сметам дека се апсолутно минимални“, рече тој.

Би-Би-Си забележува дека Лавров не дал никаков доказ за идејата дека САД влијаат на позицијата на Киев, како и тоа дека ни САД ниту Украина навестиле дека се работи за такво нешто.