Татарстанда авариядә ир белән хатын һәм аларның игезәк уллары имгәнгән
Бүген иртәнге сигезенчеләр тирәсендә Югары Ослан районында М7 трассасында авариядә ир белән хатын һәм аларның игезәк уллары имгәнгән. Бу турыда «Татар-информ» агентлыгы Татарстан прокурорының өлкән ярдәмчесе Руслан Галиевка сылтама белән хәбәр итте.
BMW машинасы SCANIA йөк машинасына бәрелгәч, җиңел автомобиль кырыйга чыгып китә һәм аңа KIA килеп бәрелә.
Якынча белешмә буенча, Чиләбе өлкәсендә туып-үскән 38 яшьлек хатын-кыз BMW машинасы белән идарәсен югалта һәм каршы як полосага чыга.
Авариядә BMW машинасының йөртүчесе, пассажиры, 8 яшьлек игезәк малайлар имгәнә.
Урынга Югары Ослан районы прокуроры Василий Егоров барган. Тикшерү эшләрен прокуратура контрольгә алган, диелә хәбәрдә.