Çамрăксен палати ĕçлеме пуçлĕ
.jpg)
Республикăри хĕрарăмсен канашĕ тухăçлă ĕçлесе пырать. Канаш пайташĕсем хăйсен ĕçне хастар пурнăçласа пыракан хĕрарăмесене тата малалла утма хавхаланатараççĕ, çамрăк çемьесене тимлĕх уйăраççĕ, çитĕнекен ăрăва тĕрĕс çул çине тăратас ыйтупа тимлеççĕ. Çамрăксене те тĕрлĕ ĕçе явăçтарас тĕллевпе хĕрарăмсен канашĕ çамрăксен палатине йĕркелесшĕн. Студентсен кунĕнче çамрăксемпе пĕрремĕш тĕлпулу иртрĕ. Çамрăк, маттур, хастар, çирĕп тĕллевсем лартакан пикесем. Вĕсенчен кашниех студент тапхăрĕнче вĕренӳре çеç мар, пурн
<p>Республикăри хĕрарăмсен канашĕ тухăçлă ĕçлесе пырать. Канаш пайташĕсем хăйсен ĕçне хастар пурнăçласа пыракан хĕрарăмесене тата малалла утма хавхаланатараççĕ, çамрăк çемьесене тимлĕх уйăраççĕ, çитĕнекен ăрăва тĕрĕс çул çине тăратас ыйтупа тимлеççĕ. Çамрăксене те тĕрлĕ ĕçе явăçтарас тĕллевпе хĕрарăмсен канашĕ çамрăксен палатине йĕркелесшĕн. Студентсен кунĕнче çамрăксемпе пĕрремĕш тĕлпулу иртрĕ. Çамрăк, маттур, хастар, çирĕп тĕллевсем лартакан пикесем. Вĕсенчен кашниех студент тапхăрĕнче вĕренӳре çеç мар, пурнăçăн ытти енĕсенче те палăрма ĕлкĕрнĕ. Çакăн пек хастарсене йышăнаççĕ те çăмрăксен палатин пĕрлешĕвне. Хĕрарăмсен канашĕн ертӳçи Наталья Николаева малтанах пĕрлĕшӳ ĕçĕ-хĕлĕпе паллаштарчĕ. Иртнĕ çул мĕнле ыркăмăллăх акцийĕсем иртнĕ, республика пурнăçĕн мĕнле тытăмне ытларах тимлĕх уйăрнă – ларура çак ĕçсемпе пикесем тĕплĕн паллашма пултарчĕç. АЛЕВТИНА ФЕДОРОВА: «Кашни районта пирĕн хĕрарăмсем питĕ лайăх ĕçлеççĕ. Çав вăхăтрах эпир хамăр ĕçе çăмрăксене те явăçтарасшăн. Çавăнпа ĕнтĕ эпир паянхи кун эпир кашни районтан çамрăксен палатине кĕрекен ертӳçĕсене чĕнтĕмĕр. Вĕсемпе çулталăк хушшинче мĕн ĕçлени пирки калаçрăмăр. Çăв вахăтрах çак çула валли 2022-мĕш валли тĕллевсем лартрăмăр. Ытларах ĕнте эпир кунта çăмрăк çемьесемпе мĕнле ĕçлемеллисене, вĕсене тĕрлĕ енлĕ ĕçсене мĕнле яваçтарасси пирки». Районсенче ĕçлекен çамрăксен палатин ертӳçисем вырăнта еплерех ĕç-пуç йĕркелесе пынине тĕплĕн паллаштарчĕç. Тĕслĕхрен, Етĕрне районĕнче çамрăксене тĕрле спорт ăмăртăвне явăçтарма тăрăшаççĕ. Ыркăмаллăх юхăмĕсене те çамрăксем хастар хутшăнаççĕ, вăл шутра медицина волонтересем те хастар ĕслеççĕ палăртрĕç ларура. Малашне маттур та хастар студентсем хĕрарăмсен канашĕ йĕркеленĕ çамрăксен палатинче вăй хурса халăхшăн усăллă ĕçсем тума пултарĕç. Маргарита Мельникова, Юрий Марков</p>