Иркутскда ёнғин туфайли икки ўзбекистонлик муҳожир ҳаётдан кўз юмди…
Шу йил 25 декабр куни Иркутск вилояти Залари посёлкасидаги ёғочсозликка ихтисослашган корхонага қарашли тахтали ётоқхонада кучли ёнғин содир бўлган. Оқибатда ўзбекистонлик Х. Н. ва О. С. исмли муҳожир ҳалок бўлди.
Таъкидланишича, тахтадан бунёд этилган ётоқхона икки қаватли бўлган. Олов жами 350 кв метр майдонни тўлиқ эгаллаб олган. Қутқарувчилар 13 кишини хавфсиз жойга кўчирган. Шуларнинг икки нафари касалхонага ётқизилган. Яна тўрт кишига ўша жойнинг ўзида тиббий ёрдам кўрсатилган. Жабрланувчиларнинг барчаси ёғочсозлик корхонасида меҳнат қилиб, ўша ётоқхонада яшаб келган.