Нородом Сиамони саратон билан курашмоқда
0
Камбоджа қироли Нородом Сиамонига простата саратони ташхиси қўйилди. Бу ҳақда мамлакат Ахборот вазирлиги маълум қилди.
72 ёшли монарх айни пайтда Пекин шаҳрида даволанмоқда. Шифокорлар тавсиясига кўра, у ерда қолиш муддати бир ойдан уч ойгача узайтирилиши режалаштирилган.
Қирол ўз мурожаатида батафсил тиббий текширувлардан сўнг касаллик тасдиқланганини билдирган. Расмий Камбоджада монархия бугунги кунда асосан рамзий аҳамиятга эга бўлиб, сиёсий ҳаётда асосий рол узоқ йиллар давомида собиқ бош вазир Ҳун Сенга тегишли бўлган.
Маълумот учун, қирол Сиамони санъат соҳасидан кириб келган бўлиб, илгари балет устаси ва дипломат сифатида фаолият юритган. У 2004 йилдан буён мамлакат тахтида ўтириб келмоқда.