Аёллар пенсияси ёши босқичма-босқич оширилади. Қозоғистонда!

Қозоғистонда аёллар учун пенсияга чиқиш ёши тобора юқори кўтарилмоқда. Бу ҳақда 9 апрель куни мамлакат Меҳнат ва аҳолини ижтимоий муҳофаза қилиш вазири ўринбосари Виктория Шегай маълум қилди.

У аввалроқ аёллар учун пенсия ёшини кўтариш вақтинча тўхтатилганини эслатиб ўтган.

“Амалдаги қонунчилик доирасида бу жараён аста-секин эркаклар билан тенглаштирилади ва 63 ёшгача кўтарилади”, дейди вазир ўринбосари.

Унинг таъкидлашича, бу чора келажакдаги пенсия тўловлари миқдорига ҳам боғлиқ: инсон қанча узоқ вақт пенсияга маблағ жамғариш тизимида иштирок этса, унинг келажакдаги нафақаси шунчалик юқори бўлади. Шу билан бирга, Қозоғистонда катта ёшдаги аёлларнинг бандлигини рағбатлантириш чоралари кучайтирилмоқда.

“Катта ёшдаги аёлларни иш билан таъминлашга кўмак берувчи “Кумуш ёш” дастури фаолият бошлади. Биз иш берувчилар тажрибали ходимларни жалб этиш учун уларнинг ойлик маошининг бир қисмини субсидиялаймиз”, дейди Виктория Шегай.

Ҳозирда Қозоғистонда пенсия ёши эркаклар учун 63 ёш, аёллар учун эса 61 ёшни ташкил қилади. Шу билан бирга, аёллар учун ёшни ошириш бўйича вақтинчалик “музлатиш” амалиётда қолмоқда, бу 2027 йил охиригача давом этади.

Кейинги босқичлар босқичма-босқич амалга оширилади: 2028 йилдан – 61,5 ёшгача, кейинчалик ҳар йили яна ошиб бориб, 2031 йилга бориб аёллар пенсияси эркакларники билан тенглашади.

Энди Қозоғистонда аёллар учун пенсия ёши босқичма-босқич эркаклар билан бир хил бўлиши кутилмоқда, бу эса ижтимоий адолат ва келажакдаги молиявий барқарорликни таъминлайди.