Нилуфар Усмонова яна бир ёшни қарши олди (видео)

Нилуфар Усмонова ўзининг Instagram саҳифаси орқали мухлислари билан қувончли янгиликни бўлишди. Хонанда 6 апрель куни 39 ёшни қаршилаб, туғилган кунини яқинлари даврасида кенг нишонлади.

Ижтимоий тармоққа жойланган лавҳалардан кўринишича, байрам самимий ва кўтаринки кайфиятда ўтган. Хонанданинг яқинлари, жумладан болаликдаги дўсти Жамшид Бобожонов ҳамда ҳамкасблари уни ўзига хос тарзда табриклаб, кутилмаган сюрпризлар уюштиришган.

Тадбир давомида хонандага гуллар, қимматбаҳо совғалар ва тақинчоқлар тақдим этилди. Хонанданинг қизи ҳам онасини табриклаб гул тақдим этди.

Шунингдек, кеча давомида турли ўйин-кулгилар ташкил этилиб, йиғилганлар учун унутилмас лаҳзалар яратилди. Видеолардан маълум бўлишича, байрам яқинлар даврасида ажойиб, қувноқ ва эсда қоларли муҳитда ўтган.

Мухлислар ҳам ижтимоий тармоқларда хонандани туғилган куни билан табриклаб, унга илиқ ва самимий тилаклар билдиришмоқда.

Маълумот учун, Нилуфар Усмонова 1987 йил 6 апрель куни таваллуд топган. У бугунги кунда 5 нафар — 3 ўғил ва 2 қиз фарзанднинг меҳрибон онаси ҳисобланади.