Эрон баёноти: Минтақа давлатлари воқеалардан хулоса чиқарсин
Яқин Шарқдаги сўнгги сиёсий ва ҳарбий жараёнлар фонида Эрон расмийлари томонидан яна бир муҳим баёнот янгради. Эрон Ташқи ишлар вазирлигининг расмий вакили Исмоил Бақоий мамлакатнинг минтақавий сиёсатга оид позициясини маълум қилди.
Унинг таъкидлашича, Ислом Республикаси доимо қўшни давлатлар билан дўстона муносабатларни устувор деб билади ва ўзаро ҳурмат ҳамда ҳамкорликка асосланган алоқаларни мустаҳкамлаш тарафдори ҳисобланади.
“Биз қўшни мамлакатларни доим дўст сифатида қабул қиламиз ва яхши қўшничилик муносабатларини ривожлантиришга интиламиз. Умид қиламанки, келгусида минтақа давлатлари сўнгги воқеаларни чуқур таҳлил қилиб, тегишли хулосалар чиқаради”, — деди расмий вакил.
Мутахассислар фикрича, мазкур баёнот минтақадаги кескин вазият фонида дипломатик чақириқ сифатида баҳоланмоқда. Шу билан бирга, Эрон томонининг бу каби мурожаатлари ҳудудда барқарорликни сақлаш ва зиддиятларни юмшатишга қаратилгани таъкидланмоқда.