Disney OpenAI'га 1 млрд доллар бермайди
OpenAI ўзининг катта шов-шувга сабаб бўлган AI видео генератори Сора'ни ёпди ва бу қарор энди Голливуддаги йирик ҳамкорликка ҳам таъсир қилмоқда. The Information хабарига кўра, Disney маҳсулот ёпилганидан кейин ОпенАИ'га режалаштирилган 1 миллиард долларлик инвестициядан ортга чекинмоқда. Бу ҳақда Rozetked.me хабар беради.
OpenAI 24 март куни Sora тўхтатилишини эълон қилди, бироқ ўша пайтда бунинг сабабини тушунтирмади. The Информатион'нинг ёзишича, компания яқинда ички номи Spud бўлган навбатдаги йирик AI моделини ўқитишни якунлаган. Хабарларга кўра, Sora иловасини ёпиш ва уни ЧатГПТ'га интеграция қилишни кечиктириш янги тизим учун ҳисоблаш қувватини бўшатишга ёрдам берган.
Ҳисоботда яна айтилишича, OpenAI раҳбарият тузилмасини қайта шакллантирмоқда. Бош директор Sam Altman хавфсизлик ва ҳимоя жамоалари устидан бевосита назоратдан чекинмоқда. Энди бу гуруҳларга Mark Chen ва Greg Brockman раҳбарлик қилмоқда, Altman эса маблағ йиғиш, таъминот занжирлари ва маълумотлар марказлари қурилишига эътибор қаратмоқда.
Sora иловаси ва API ёпилаётган бўлса-да, OpenAI AI видео тадқиқотларини бутунлай тарк этмаяпти. Компания бу йўналишдаги ишларни давом эттириши кутилмоқда, бунда узоқ муддатли дунё симуляциясига кўпроқ эътибор қаратилади.
OpenAI ва Disney ўз ҳамкорлигини 2025 йил декабрида эълон қилган эди. Disney Sora учун ўз қаҳрамонларига лицензия бериши ва технологияни Disney+ хизматига олиб кириши кутилган эди. Энди Sora ёпилгач, OAV хабарларига кўра, студия инвестицияни давом эттиришни энди режалаштирмаяпти.