АҚШ президенти Дональд Трамп НАТОни "қоғоз йўлбарс" деб атади

АҚШ президенти Дональд Трамп Вашингтоннинг Европадаги иттифоқчилари Ҳурмуз бўғози атрофидаги эҳтимолий ҳарбий амалиётга қўшилишдан бош тортганидан сўнг, НАТОни “қоғоз йўлбарс” деб атади. Truth Соcиал'даги постида Трамп альянс АҚШсиз заиф эканини айтди ва унинг аъзоларини қўрқув таъсирида ҳаракат қилаётганликда айблади.

Трампнинг таъкидлашича, Европа мамлакатлари у ядро қуролига эга бўлаётган Эрон деб таърифлаган таҳдидни тўхтатиш ҳаракатларида иштирок этишни истамаган. У, шунингдек, айрим иттифоқчилар Ҳурмуз бўғозини, яъни энергия экспорти учун дунёдаги энг муҳим юк ташиш йўлларидан бирини, хавфсизлаштиришга ёрдам беришдан бош тортганидан кейин нефть нархларининг юқорилигини танқид қилаётганидан шикоят қилди. Унинг фикрича, бу йўлакни қайта очиш Европа учун жуда кам хатар билан фақат чекланган ҳарбий ҳаракатни талаб қилади.

Унинг бу баёнотлари Европа Иттифоқининг яқиндаги саммити АҚШнинг Эрон билан қарама-қаршилигида Вашингтонга ҳарбий ёрдам кўрсатишни маъқуллай олмаганидан кейин янгради. Бунинг ўрнига иштирокчилар Сомали соҳиллари яқинида ва Қизил денгизда мавжуд ЕИ миссияларидаги кемалар сонини ошириш ҳақидаги умумий чақириқ билан чекланди.

Бу изоҳлар Вашингтон ва унинг Европадаги ҳамкорлари ўртасида АҚШнинг Яқин Шарқдаги хавфсизлик ҳаракатларини қанчалик даражада қўллаб-қувватлаш кераклиги борасидаги кескинлик кучайиб бораётганини кўрсатади.