Эрон АҚШ билан музокаралар учун учта шарт қўйди
Эрон Америка Қўшма Штатлари билан музокараларни қайта тиклаш учун учта асосий шартни илгари сурди. Ливан телеканалларидан бирининг хабар беришича, Теҳрон урушнинг қайта бошланмаслиги бўйича кафолат, тўлиқ ядровий ёқилғи циклига эга бўлиш ҳамда етказилган зарарлар учун товон пули тўланишини талаб қилмоқда. Бу ҳақда tengrinews.kz хабар беради.
Эслатиб ўтамиз, жорий йилнинг 28 феврал куни АҚШ ва Исроил Эронга қарши ҳарбий операция бошлаган эди. Тел-Авив ушбу ҳаракатларнинг асосий мақсади Теҳроннинг ядровий қуролга эга бўлишига йўл қўймаслик эканини маълум қилган. Ўз навбатида, Вашингтон Эрон флотини ва мудофаа саноатини йўқ қилиш билан таҳдид қилиб, мамлакат фуқароларини амалдаги режимни ағдаришга чақирган эди.
Сўнгги маълумотларга кўра, АҚШ ва Исроилнинг Эронга берган зарбалари оқибатида камида 1300 киши ҳалок бўлган. Қурбонлар орасида Эроннинг олий раҳбари Али Хоменеи ҳам бор. 9 март куни Экспертлар кенгаши ҳалок бўлган раҳбарнинг ўғли Можтаба Хоменеини Эроннинг янги олий раҳбари этиб тайинлади.
Оммавий ахборот воситаларининг хабарларига кўра, ракеталар нафақат ҳарбий объектларга, балки Эрон ва минтақадаги бошқа давлатларнинг фуқаролик инфратузилмаларига ҳам келиб тушмоқда. Бунга жавобан Теҳрон Исроил ҳудудига ҳамда Яқин Шарқдаги Америка ҳарбий базаларига ҳужумлар уюштирмоқда.