Мерц Германиянинг қайси томонда эканини очиқ айтди
Фридрих Мерц Германия ҳукумати Исроилга нисбатан ўз позициясини очиқ ва қатъий тарзда билдирди. Канцлер таъкидлашича, Германия ҳеч қандай иккиланишсиз Исроил томонида туришини маълум қилган.
“Хонимлар ва жаноблар, мен бошқараётган Федерал ҳукумат бизнинг қайси тарафда турганимиз ҳақида ҳеч қандай шубҳа қолдирмайди: Биз Исроил томонидамиз”, деди Германия канцлери Фридрих Мерц ўз нутқида.
Унинг сўзларига кўра, Германия ҳукумати хавфсизлик ва халқаро барқарорлик масалаларида Исроил билан яқин ҳамкорликни давом эттиради. Канцлернинг бу баёноти Яқин Шарқдаги вазият кескинлашиб бораётган бир пайтда айтилгани билан ҳам катта эътиборга тушди.
Сиёсий таҳлилчиларнинг фикрича, Берлиннинг бундай қатъий баёноти Германиянинг ташқи сиёсатида Исроил хавфсизлиги муҳим ўрин тутишини яна бир бор намоён қилмоқда. Бу баёнот халқаро сиёсий майдонда ҳам кенг муҳокамаларга сабаб бўлиши мумкин.