DeepSeek V4: Янги флагман модел март ойида тақдим этилади
DeepSeek компанияси ўзининг янги флагмани бўлмиш V4 моделини келгуси ҳафтада, яъни март ойи бошида тақдим этишни режалаштирмоқда, деб Rozetked хабар берди. Бу ҳақдаги маълумотларни Financial Times нашри инсайдларга таяниб эълон қилди. Ушбу янгилик 2025 йил бошида чиқарилган R1 моделидан кейинги илк йирик релиз бўлади. Компаниянинг аввалги авлод флагмани – V3 модели 2024 йил охирида тақдим этилган ва шу вақт ичида фақат кичик янгиланишларни қабул қилиб келган эди.
Янги модел ҳақидаги асосий маълумотлар:
• DeepSeek V4 релизи 4 март куни бошланадиган ҳар йиллик парламент йиғилишларига тўғриланмоқда.
• Ушбу тадбир компаниянинг сунъий интеллект соҳасидаги миллий етакчи сифатидаги мақомини янада мустаҳкамлаши кутилмоқда.
• V4 модели мультимодал тизим бўлиб, матн, фото ва видеолар билан ишлаш имкониятига эга бўлади.
• Янги модел Американинг йирик АИ-компаниялари билан бевосита рақобатлашади.
• Ишлаб чиқиш жараёнида Nvidia чипларидан воз кечилиб, Huawei ва Cambricon билан ҳамкорлик қилинган. Бу қадам АҚШ корпорацияларига бўлган қарамликни камайтиришга қаратилган.