Футбол жанжали эр-хотин фожиасига сабаб бўлди
Жорий йил 22 феврал куни Италия А серияси доирасида "Аталанта" ва "Наполи" жамоалари ўртасидаги учрашувни томоша қилиш пайтида оилавий жанжал фожиали ҳодиса билан якунланди. Ушбу ўйин Серия А мусобақаси доирасида бўлиб ўтган.
Маҳаллий ҳуқуқ-тартибот идоралари маълум қилишича, 40 ёшли эркак учрашувни уйида телевизор орқали кузатаётган бўлган. VAR тизими томонидан “Наполи” фойдасига белгиланган пеналти қарорининг бекор қилиниши ортидан у қаттиқ ҳиссиётга берилиб, экран қаршисида баланд овозда ҳақоратли иборалар ишлатган.
Унинг яқинида бўлган 35 ёшли турмуш ўртоғи эса айтилган гапларни ўз шахсига қаратилган деб қабул қилган. Шу сабабли эр-хотин ўртасида оғзаки тортишув бошланиб, қисқа вақт ичида у жисмоний тўқнашувга айланиб кетган.
Хабар қилинишича, аёл аввало эри томон қайчи отган, кейин эса ошхона пичоғи билан унинг ён қисмига пичоқ урган. Ҳодиса жойига етиб келган полиция ходимлари эркак танасида бир нечта пичоқ жароҳатлари борлигини қайд этган.
Жабрланувчи зудлик билан шифохонага олиб кетилиб, унга зарур тиббий ёрдам кўрсатилган. Шифокорлар унинг ҳаётига хавф йўқлигини маълум қилди.
Аёл қўлга олинган, ҳодиса юзасидан терговга қадар текширув ишлари олиб борилмоқда.
Маълумот ўрнида, мазкур баҳсда “Наполи” жамоаси 1:2 ҳисобида мағлуб бўлган.