6 та сирли омбор: Эпштейн изларини аслида қаерга беркитди
Жеффри Эпштейн терговчилардан яшириш мумкин бўлган далиллар — компьютерлар, суратлар ва бошқа материалларни сақлаш учун АҚШ бўйлаб камида 6 та омборхонани ижарага олган.
Нашр қўлга киритган ҳужжатларда айтилишича, у Флоридадаги уйидан жиҳозлар ва техникаларни чиқариш учун ҳатто хусусий детективларни ҳам ёллаган. Бу ҳолат Эпштейн эҳтимолий тинтувлар олдидан “из қолдирмаслик”ка уриниб, айрим буюмларни ташқи омборларга кўчирган бўлиши мумкинлигини кўрсатади.
2003 йилдан 2019 йилгача тўловлар тўхтамаган
The Telegraph’да келтирилган маълумотларга кўра, Эпштейн камида битта омборни 2003 йилдан ижарага олган, кредит карта квитанциялари эса омборлар учун тўловлар 2019 йилгача — унинг вафот этган йилига қадар — мунтазам амалга оширилганини кўрсатади.
Энг кўп баҳс қилаётган нуқта: АҚШ расмийлари бу ташқи омборларни текширмаган бўлиши мумкин. Шунинг учун ҳам у ерда ҳали очилмаган, оммага чиқмаган материаллар қолган бўлиши эҳтимоли ҳақида гап-сўзлар кучаяпти.
DOJ катта пакет чиқарди, лекин саволлар қолди
Бу мавзуда жамоатчилик эътибори янада ошгани ҳам бежиз эмас. U.S. Department of Justice 2025 йил охирида қабул қилинган ҳужжатлар ошкоралигига оид қонун талаблари асосида 2026 йил 30 январь куни катта ҳажмдаги материалларни эълон қилганини билдирган — умумий ҳисобда деярли 3,5 миллион саҳифагача етиши айтилган.
Шу фон ортида The Telegraph айтган “омборлар” масаласи яна бир саволни ўртага қўяпти: агар ташқи омборларда ҳақиқатан ҳам аввалги йилларга оид материаллар сақланган бўлса, улар умумий эълон қилинган пакетларга кирганми-йўқми? Ҳозирча бу бўйича аниқ жавоб йўқ.