Италиялик эркак 20 та олтин қуймани ахлатга ташлаб юборди
Италиянинг Лечче провинциясида жойлашган Торре-Лапилло шаҳарчасида 57 ёшли маҳаллий фуқаро беихтиёр тарзда ўзининг 20 та олтин қуймаси сақланган идишини чиқинди қутисига ташлаб юборди. Бу ҳақда RMF24 радиостанцияси хабар берди.
Эркак бир неча йиллар давомида қимматбаҳо металлга сармоя киритиб, 120 минг еврогача жамғарма тўплаган. Аммо у қуймалар солинган идишни оддий хўжалик чиқиндилари қаторида чиқариб ташлаганини фақат бир кун ўтгандан кейингина пайқаган. Дарҳол полицияга мурожаат қилинди.
Ҳуқуқ-тартибот органлари текшируви давомида маълум бўлишича, чиқиндилар Уженто шаҳридаги махсус полигонга етказилган бўлган. Полиция у ерда қидирув операцияси ўтказиб, омад билан олиб борилган ишлар натижасида олтин қуймалар сақланган идишни топиб олди.
Бу воқеа эҳтиётсизлик қанчалик катта молиявий хавфга олиб келишини яққол кўрсатади. Яхшиямки, бу гал яхши тугади — сармоя ўз эгасига соғ-саломат қайтарилди.