Юртимизга Рамазон яқинлашмоқда: тақвим, саҳарлик ва ифторлик дуолари
Ўзбекистонда 2026 йилги Рамазон ойи 19 феврал, пайшанба куни кириб келиши кутилмоқда. Бу масала Туркий давлатлар ташкилоти ҳузуридаги фатво йўналишидаги йиғилишда, Самарқандда муҳокама қилиниб, умумий келишув сифатида тилга олингани айтилмоқда.
Қисқача қилиб айтганда, таклиф этилаётган таъқвим шундай:
-
Рамазон бошланиши: 19 феврал
-
Рамазон ҳайити: 20 март, жума
-
Давомийлиги: 29 ёки 30 кун (ой кўринишига қараб)
Бу ерда бир муҳим нюанс бор: Рамазон санаси “кутилмоқда” дегани — ҳали барчаси 100% қатъий дегани эмас. Ой кўринишига боғлиқ жиҳатлар бўлгани учун, одатда, аниқ тақвим ва вақтлар Рамазон арафасида расман эълон қилинади. Шунинг учун ҳозирча бу маълумотни йўл харитаси, деб қабул қилган маъқул.
Мухлислар учун энг қизиқ қисми — саҳарлик ва ифторлик масаласи. Рамазоннинг илк кунларида Тошкентда вақтлар тахминан қуйидагича бўлиши мумкин (ҳудудларга қараб бироз фарқ қилади, шунинг учун кейин расмий жадвалга суянамиз):
Саҳарлик (оғиз ёпиш) дуоси
«Навайту ан асуума совма шаҳри рамазона минал-фажри илал-мағриби, холисан лиллаҳи таъаалаа. Аллоҳу акбар».
Маъноси: Рамазон ойининг рўзасини тонг отганидан кун ботгунича холис Аллоҳ таоло учун тутишни ният қилдим. Аллоҳу акбар
Ифторлик (оғиз очиш) дуоси
«Аллоҳумма лака сумту ва бика ааманту ва ъалайка таваккалту ва ъалаа ризқика афторту, фағфирлии йаа Ғоффару маа қоддамту ва маа аххорту, бироҳматика йаа арҳамар-Роҳимийн».
Маъноси: “Ё Аллоҳ, Сен учун рўза тутдим. Сенга иймон келтирдим, Сенга таваккал қилдим. Сен берган ризқ билан ифтор қилдим. Эй гуноҳларни афв қилувчи Зот, менинг аввалги ва кейинги гуноҳларимни мағфират қил.
Рамазон — бу фақат оч-чанқоқ синови эмас, “режимни тўғри қўйиш” ойи ҳам. Ҳозирданоқ бир оддий режа қилиб қўйсангиз, кейинги ҳафтада ўзингизга раҳмат айтасиз: уйқуни эртароқ мослаштириш, кофени камайтириш, иш-кучни саҳардан кейинги вақтларга тўғри тақсимлаш. Қолгани эса — сабр, дуо ва кайфият.
Энг тўғри йўл: расмий тақвим чиқиши билан (айниқса ҳудудлар кесимида) ўзингиз яшайдиган жой вақтига қараб аниқлаб олинг. Шунда “мен 05:40 деб юрибман, маҳаллада 05:36 экан-ку” деган сюрпризлар бўлмайди.