Намаганда фирибгар 5 гектар ижарадаги ерни 60 минг долларга сотмоқчи бўлди
Наманган вилояти Чуст туманида 49 йил муддатга фермер хўжалигига ижарага берилган 5 гектар давлат ерини ноқонуний сотиш билан боғлиқ йирик фирибгарлик уринишининг олди олинди. Бу ҳақда podrobno.uz хабар беради.
Ҳуқуқбузар участкани 60 минг долларга баҳолаб, харидорни ишонтириш учун Чуст тумани ҳокимиятида “таниш-билишлари” борлигини айтган. У, шунингдек, ернинг бир қисмини ноқонуний тарзда мақомини ўзгартириб, қишлоқ хўжалигига мўлжалланган 8 сотих майдонни якка тартибдаги уй-жой қурилиши (ИЖҚ) учун расмийлаштириб беришни ваъда қилган.
Келишув пул топшириш жараёнида барбод бўлди. Жиноят қидирув ходимлари ва прокуратура гумонланувчини 30 минг доллар аванс олаётган пайтда қўлга олди, маблағнинг барчаси учрашув жойининг ўзида ашёвий далил сифатида олиб қўйилди.
Мазкур ҳолат юзасидан “Жуда кўп миқдорда фирибгарлик” моддаси билан жиноят иши қўзғатилди. Тергов доирасида гумонланувчининг маҳаллий идораларда шериклари бўлган-бўлмагани ҳам аниқланмоқда.
Аввалроқ Самарқанд вилоятида ҳам шунга ўхшаш ҳолат қайд этилиб, фермер хўжалиги раҳбари ер участкасига қарийб 200 минг долларга ноқонуний сотишга уринган пайтда ушлангани хабар қилинганди.