Ўзбекистонда ойлик иш ҳақи бўйича қайси соҳа энг юқори кўрсаткичда?
0
Ўзбекистонда 2025 йилда ўртача ойлик иш ҳақи расмий маълумотларга кўра 6,4 млн сўмни ташкил этди. Маошлар кесимида энг юқори кўрсаткични банк соҳаси сақлаб қолди — йил якунига келиб банкирларнинг ўртача даромади 17,6 млн сўмга кўтарилган.
Иккинчи ўринда ахборот ва алоқа соҳаси ходимлари қайд этилди: уларнинг ўртача иш ҳақи 15,3 млн сўм бўлган. Кучли учликни ташиш ва сақлаш (логистика) йўналиши ёпиб берди — бу соҳада ўртача маош 9,7 млн сўм атрофида шаклланган.
Ўқитувчи ва шифокорлар ўртача иш ҳақи бўйича ҳануз энг паст қаторда қолмоқда: мос равишда 4,4 млн сўм ва 3,9 млн сўм. Ҳудудлар кесимида энг юқори ўртача кўрсаткич Тошкент шаҳрида — 10,8 млн сўм, энг паст натижа эса Қашқадарёда — 4,5 млн сўм экани билдирилди.