Севинч Мўминова: “Ёлғон — энг ёмон кўрадиганим” (видео)

Хонанда Севинч Мўминова Мирсадикова билан бўлган суҳбат чоғида нимага “аллергияси” борлигини, шунингдек, энг ёмон кўрадиган ва нафратланадиган нарсаси нима эканини очиқчасига маълум қилди.

Хонанданинг айтишича, у ёлғон гапирадиган одамларга нисбатан мутлақо тоқат қила олмайди.

“Ёлғон гапирадиган одамлардан менинг аллергиям бор. Мен ёлғонни жуда ёмон кўраман, ҳатто нафратланаман. Ўзим ҳам иложи борича ёлғон гапирмасликка ҳаракат қиламан. Агар бирор нарсани айтгим келмаса, умуман гапирмайман. Гапдан қочишим мумкин, аммо ёлғон гапирмайман”, — дейди у.

Севинч Мўминова, айниқса, кўзингизга тик қараб ёлғон гапирадиган одамларни ёмон кўришини таъкидлади.

“Энг ёмони — ёлғон гапираётганини билиб турасиз. Мен ўзимни ишонаётгандек тутаман, аслида эса ҳаммасини билиб тураман. Улар эса гўёки алдаб қўйдим, билмаяпти деб ўйлашади. Баъзан шарманда бўлмасин ёки ҳижолат бўлиб қолмасин деб, ишонгандек тутаман. Ҳа, ростданми, шунақами? деб тураман, гапини давом эттираверади. Кейин эса охирида: Ахир беш дақиқа олдин бошқача айтгандинг-ку, деб ёлғонини фош қиламан”, — дея фикр билдирди хонанда.