NAPP Semurg Insurance суғурта компаниясига 24,5 млн сўм жарима қўллади
0
Миллий истиқболли лойиҳалар агентлиги (NAPP) Semurg Insurance суғурта компаниясини 24,5 млн сўм миқдорида жаримага тортди. Бу ҳақда kursiv.uz хабар беради.
Бу NAPP томонидан мазкур суғурталовчига нисбатан илк бор қўлланаётган молиявий санкция эмас: жорий йил октябрь ойида ҳам Semurg Insurance 31,5 млн сўм жаримага тортилганди.
Semurg Insurance суғурта бозорида 2020 йил баҳоридан бери фаолият юритади. 29 декабрь ҳолатига кўра, компаниянинг устав фонди 45 млрд сўмни ташкил этган.
Ҳозирда компания автосуғурта, мулк ва юкларни суғурталаш йўналишларида хизмат кўрсатади. 2023 йилда Semurg Insurance Ўзбекистондаги суғурталовчилар рейтингида 30-ўринни эгаллаган, ўша пайтдаги активлари эса 84 млрд сўм бўлган.