Моуриньо Элдор «Рома»да қолишини тасдиқлади: «Шомуродов бизга ёрдам бера олади» — Бизга қўшилинг: ???? https://t.me/joinchat/AAAAADwt0NGCRoONT4f1_Q
Ёзги трансфер ойнаси давомида Элдор Шомуродовнинг «Рома»ни тарк этиши ҳақидаги хабарларга қарамай, ўзбекистонлик ҳужумчи Рим клубида қоладиган бўлди. DAZN хабарига кўра, трансфер ойнасининг сўнгги кунларида Италиянинг «Лечче» клуби Шомуродовга қизиқиш билдирганига қарамай, Элдор «Рома»да қоладиган бўлди. Римликлар устози Жозе Моуриньо ҳам Шомуродовнинг клубда қолишини тасдиқлаган. «Шомуродов бизга ёрдам бера олади. Ёзги трансфер ойнаси давомида у босим остида бўлди ва энди тинчланиши ҳамда бизга ёрдам бериши мумкин», – дея Жозе Моуриньонинг сўзларини келтирган RomaNews нашри. Аввалроқ, «Болонья» Шомуродовни ижарага олиш масаласида Рим клуби билан келишувга эриша олмагани, унга «Монца» ва «Торино» клублари ҳам қизиқиш билдиргани ҳақида хабар қилинган эди. Аммо «Рома» фақатгина 10 млн евродан кам бўлмаган таклифларни кўриб чиқишга рози бўлган. Эслатиб ўтамиз, Рим клуби ёзги трансфер ойнасида икки ҳужумчи – Афена-Гьян ва Жастин Клюйверт билан хайрлашди. Жамоага эркин агент сифатида Пауло Дибала ва Андреа Белотти таклиф қилинди. Шомуродов А Серия дастлабки уч турида жамоа қайдномасидан ўрин олган бўлса-да, майдонга тушмади.