Зангиота туманида 2 нафар фуқаронинг 1 200 АҚШ долларини қўлга киритмоқчи бўлган фирибгар ушланди
Бош прокуратура ҳузуридаги Департаментнинг Зангиота туман бўлими томонидан ИИВ ходимлари билан ҳамкорликда ўтказилган тезкор тадбирда, муқаддам ўғирлик ва бошқа жиноятлари учун судланган Н.Н. фуқаролар Д. ва И.нинг ишончига кириб, уларга гўёки танишлари ёрдамида “Қўйлиқ деҳқон бозори” атрофида салқин ичимликлар савдоси билан рухсатномасиз фаолият юритишларига шароит яратиб бериш эвазига жами 1 200 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.