«Европада уруш бўладими?» Путин бу саволга жавоб қайтарди
15 февраль куни Москвада Россия президенти Владимир Путин ва Германия канцлери Олаф Шольц ўртасида учрашув бўлиб ўтди. Уч соатлик музокаралардан сўнг улар қўшма матбуот анжумани ўтказишди. Deutsche Welle журналисти Путинга: “Европада уруш бўладими? Европада уруш бўлишини истисно қиласизми? Путиндан Украинага ҳужумни истисно қила оласизми», деб 3 марта савол берди. Путин саволларга қуйидагича жавоб қайтарди:
«Европадаги уруш масаласига келсак. Жаноб федерал канцлер Шольц ҳозиргина унинг замондошлари, мен ҳам Европада ҳар қандай урушни тасаввур қила олмасликларини айтди. Ва бу, албатта, Украина атрофидаги вазиятга нисбатан ҳам айтилади. Лекин сиз ва мен Европада НАТО блоки томонидан Югославияга қарши бошланган урушнинг гувоҳи бўлганмиз. Ракета ва бомба зарбалари орқали биргина пойтахт — Белградда йирик ҳарбий операция ўтказилди ва бу Бирлашган Миллатлар Ташкилоти Хавфсизлик Кенгашининг санкцияларисиз содир бўлган эди. Бу жуда салбий мисол, лекин ҳақиқат. Бу биринчидан эди.
Иккинчидан, биз уруш хоҳлаймизми йўқми, деган саволга келсак. Албатта йўқ. Шунинг учун биз музокаралар бўйича таклифни илгари сурдик, унинг натижаси ҳамма учун, жумладан, мамлакатимиз учун ҳам тенг хавфсизликни таъминлаш тўғрисидаги келишув бўлиши керак. Афсуски биз киритган таклифларга конструктив жавоб олмадик. Шунга қарамай, биз НАТО ва Вашингтондаги ҳамкорларимиз томонидан бизга юборилган ҳужжатларда ҳам муҳокама қилиниши мумкин бўлган баъзи элементлар мавжудлигидан келиб чиқамиз. Аммо биз буни фақат биз учун муҳим бўлган асосий масалалар билан биргаликдагина кўрамиз. Умид қиламизки, мен бугун Федерал канцлерга бу ҳақда айтдим, мулоқот шу тарзда ривожланади. Вазият сизни ва бизни ташвишга соладиган барча бошқа йўналишларда ривожланади. Ишонтириб айтаманки, биз ҳам худди сиз каби хавотирдамиз».
РБК