Қирғизистон ҳукумати замонавий ҳарбий техника сотиб олинишини билдирди
“Чегара хизматини мустаҳкамлаш учун февраль ойида яна жуда кўп, сизлар умрингизда кўрмаган замонавий ҳарбий техникалар олиб келинади. Уларнинг ҳаммасини Боткенга жойлаштирамиз. Ҳукумат бу техникани бюджет ҳисобидан, ҳеч кимдан қарз олмасдан харид қилди”, - деди Ташиев.
Бундан олдинроқ Қирғизистон ҳукумати давлат бюджети ҳисобидан Туркиянинг “Байрактар” дронларини сотиб олгани маълум қилинганди.
Қирғизистон-Тожикистон чегараси узоқ йиллардан бери минтақадаги энг нотинч ҳудуд бўлиб қолмоқда. Сўнгги марта 27 январь куни икки давлат чегарасида бир неча соат давом этган отишма чоғида Тожикистон томонидан икки киши ўлган ва 10 киши яраланган. Қирғизистон эса камида 12 киши яраланганини билдирган.