Миржалол Қосимов: Вазиятлардан фойдаланишда камчиликлар бор — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: ОКМК ФК ОКМК устози Миржалол Қосимов эса ўйиндан сўнг «Сурхон»нинг ҳимоя чизиғи ишончли ўйин кўрсатгани ҳақида гапирди. «Ўйин осон бўлмади. «Сурхон» малакали футболчиларга эга яхши шаклланган жамоа. Ўтган турда улар «Машъал»ни ютолмагани туфайли ҳам бугун янада кучли иштиёқ билан ўйнади. Улар бугун ҳимояга эътибор қаратган ҳолда, қарши ҳужум тактикасига таяниб ўйнади. Қолаверса, «Сурхон»да қарши ҳужумда яхши ҳаракатланадиган ҳужумчи – Касян бор. Рақиб асосан ҳимояда ўйнагани боиси биринчи бўлимда уларнинг мудофаасидан ўтишга қийналдик. Иккинчи бўлимда ўзимизда куч топиб, шиддаткор ўйин таклиф этдик. Шунингдек, ўйинга тезлик, динамика қўшилди. Натижада вазиятлар пайдо бўлди. Вазиятлардан самарали фойдаланишда камчиликлар бор. Чунки ўйин ритмини ҳис этиш учун футболчиларга вақт керак. Карантин туфайли уч ой дам олинди. Бу ҳазил эмас. Машғулот бошқа, майдонда расмий ўйин ўтказиш бошқа. Қолаверса, икки футболчимизда (Шораҳмедов ва Зонич) жароҳат борлиги туфайли улар бугун ўйинда иштирок этмади. Таркибда ўзгаришлар бўлди. Энди ротация қилиб турамиз», – дейди Қосимов. Мазкур ғалабадан кейин олмалиқликлар очколари сонини 11 тага етказиб олиб иккинчи ўринга кўтарилиб олди. «Сурхон»нинг ҳисобида эса 5 та ўйинда 4 очко бор. Жамоа мусобақа жадвалининг 11-поғонасидан жой олган.