Тошкент вилоятида юз берган фожиа оқибатида уч киши вафот этди
Қибрайда 95 метр узунликдаги девор қулаб тушиб, уч нафар фуқарони босиб қолди.
Бош прокуратура Ахборот хизматининг раҳбари Хаёт Шамсутдинов UzNews.uz'га хабар беришича, 5 июнь куни соат 16:45ларда Қибрай туманининг Байтқўрғон МФЙдаги "Байтқўрғон темир бетон маҳсулотлари" МЧЖ ҳудудида баландлиги 4 метр ва узунлиги 95 метрлик девор қулаб тушган.
Натижада ушбу деворга туташ айвонда ишлаётган 3 нафар МЧЖ ишчиси бетон ғиштлар босиб қолиши оқибатида ҳодиса жойида вафот этган.
Мазкур ҳолат юзасидан ЖКнинг 258-моддаси (Қурилиш ишлари хавфсизлиги қоидаларини бузиш) 2-қисми "б" банди билан жиноят иши қўзғатилган. Ҳозирда тергов ҳаракатлари ўтказилмоқда.