Маҳалладаги вазиятга Миллий гвардия ҳам жавоб беради — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Telegram /milliygvardiyauz_official Фуқароларнинг ўзини ўзи бошқариш органлари фаолиятини қўллаб-қувватлаш, маҳалла тизимини ривожлантириш ва жамиятда “Обод ва хавфсиз маҳалла” тамойилини жорий этишнинг 2020 — 2024 йилларга мўлжалланган концепцияси тасдиқланади. Президентнинг “Фуқароларнинг ўзини ўзи бошқариш органлари фаолиятини қўллаб-қувватлаш, маҳалла тизимини ривожлантириш ва жамиятда “Обод ва хавфсиз маҳалла” тамойилини жорий этишнинг 2020 — 2024 йилларга мўлжалланган концепциясини тасдиқлаш тўғрисида”ги фармони лойиҳаси эълон қилинди. Ўзбекистон Республикаси Ички ишлар вазирлиги, Миллий гвардия ва Маҳалла ва оилани қўллаб-қувватлаш вазирлигига: а) икки ой муддатда: Маҳалладаги вазиятга профилактика инспектори билан бирга Миллий гвардия ҳам бирдек жавоб бериш тамойилини жорий қилиш бўйича Вазирлар Маҳкамасига таклиф киритади. б) уч ой муддатда: “Хавфсиз маҳалла” тамойилини ҳаётга татбиқ қилиш ва маҳаллада жиноятни жиловлашнинг янги тизимини самарали ташкил этишни назарда тутувчи норматив-ҳуқуқий ҳужжат лойиҳасини ишлаб чиқиб, тасдиқлаш учун Вазирлар Маҳкамасига киритади; “Хавфсиз маҳалла” жамоатчилик кенгашини ташкил этиш бўйича Вазирлар Маҳкамасига таклиф киритади. Ўзбекистон Республикаси Маҳалла ва оилани қўллаб-қувватлаш вазирлиги, “Нуроний” жамғармаси, Хотин-қизларни ва оилани қўллаб-қувватлаш жамоат фонди, ҳудудий хотин-қизлар ва нуронийлар жамоатчилик кенгашларининг: Республика Нуронийлар жамоатчилик кенгаши ҳамда Хотин-қизлар жамоатчилик кенгашини ташкил этиш; Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосарини – Республика Хотин-қизлар жамоатчилик кенгаши раиси этиб белгилаш; Вазирнинг тегишли ўринбосарини – Республика Нуронийлар жамоатчилик кенгаши раиси этиб белгилаш тўғрисидаги таклифлари қўллаб-қувватланади.