АНГЛИЯДА КАРАНТИН МЎЛЖАЛДАГИДАН ЭРТА БЕКОР ҚИЛИНСА, ҚУРБОНЛАР 100 МИНГДАН ОШАРКАН…
Шу ҳақда Лондондаги тиббиёт коллежи эпидемиологи Нил Фергюсон маълум қилди.
Экспертнинг фикрича, коронавирусга қарши дори ёки вакцина топилмагунча ўз-ўзини изоляция қилиш амали бекор қилинмаслиги керак. Акс ҳолда вирус янада кенг тарқалади ва Англиянинг ўзида коронавирус қурбонлари юз минглаб нафарни ташкил этади. Айниқса, бундан қариялар, сурункали хасталикка чалинганлар кўпроқ азият чекади. Бир сўз билан айтганда, коронавирус чегарадан чиқади ва росмана фалокат олиб келади.