СПИРТЛИ ИЧИМЛИК КОРОНАВИРУСДАН ҲИМОЯ ЭТМАЙДИ…
Бутунжаҳон Соғлиқни Сақлаш ташкилоти мутасаддилари дунё аҳлига мурожаат этиб, спиртли ичимлик ҳеч қачон коронавирус юқтиришдан сақлай олмаслигини уқтиришмоқда.
— Бу саломатлигингизни баттар ёмонлаштириш учун хизмат қилади холос, — дейишмоқда улар. — Шундай экан, спиртли ичимлик ёрдамида коронавирусдан ҳимояланишга уринманг.
Бундан ташқари, ташкилотдагилар айтишмоқдаки, қуёш тиғида узоқ вақт қолиб кетиш, +25 даражадан юқори бўлган иссиқда юриш ҳам коронавирусдан ҳимоя этмайди.
Яна улар бир масалага ойдинлик киритишди. Яъни, чақадиган оқ пашшалар коронавирус ташимайди. Совуқ ҳаво коронавирусни ўлдирмайди. Коронавирусдан ҳимояланишнинг энг фойдали усули бу тез-тез қўлни совунлаб ювиш, хонага тоза ҳаво олиб кириш, антисептиклардан унумли фойдаланиш, кўчада тиббиёт ниқобида юришдир.