Эронда 5 яшар болага ҳам метил спирти ичиришганди. Олдин кўр бўлиб қолди. Кейин ўлим топди…
Эронда 300 дан ортиқ одам коронавирусга даво бўлишига қаттиқ ишонган ҳолда метил спирти ичганди. Барчалари ўлим топишди. Ҳатто, 5 яшар болага ҳам ичиришган экан. У ҳам оламдан ўтди. Маҳаллий тиббиёт ходимларидан бири эгнига фақат пластик подгузник кийдирилган шу болакайнинг мурдаси тепасида туриб қичқирарди: «Одамлар, нега тушунмайсиз? Метил спирти коронавирусга дори бўла олмайди. Нега ўзингизни жувонмарг қиляпсиз! Тўхтанг!!!»
Худди ўша врачнинг гапига қараганда, 5 яшар болакайга ҳам метил спирти ичиришган. Бола шу заҳоти кўр бўлиб қолган. Кейинроқ ўлим топган.
Токсиколог Кнут Эрик-Ховданинг гапига қараганда, Эрон аҳолиси кўзини каттароқ очиши керак. Агар яна метил спиртини ичишда, шу ичкилик коронавирусга қарши дори вазифасини ўтайди деб ўйлашда давом этса, жуда-жуда кўплаб одамлар қирилиб кетиши тайин.